Цэцэг яруу тансаг биш ч мэдэрч чадвал анхилуун зөөлөн үнэртэй шиг ийм л мэдрэмж төрүүлж чаддаг байх

Цэнгэг тэнгэрт үүл бараавч хүлээж чадвал мөдхөн цэлмэдэг жамтай тэд ийм л уужууу сэтгэлтэй байх

Салхинд навчис бүжин зөөлөн унахдаа гуниг дууддаг,сэтгэл нь яг ийм л эмзэг байх

Сар шөнө дунд улам тодордог шиг бүсгүйн үзэсгэлэн нь биеэс нь энэ л үед гэрэлтдэг байх

Шүүдрийн ганц дуслаар ургамал ангадаг шиг бүсгүй хайранд хэмжээ заадаггүй байх

Шүлэг дуунд уярдаг сэтгэл шиг тэд тийм л зөөлөн байх

Бороон дусал ширхэг бүрээр цангаагаа тайлдаг байгаль шиг тачаалд тийм л шунаг байдаг байх магадгүй

Бодол хүслийг хазаарлаж болохгүйн адил бүсгүйд тийм л дурлал байдаг байх магадгүй

Тэнүүлч сэтгэлийг чөдөрлөж чаддаг тэр нууц магадгүй ганц бүсгүй хүнд л байдаг байх

Тийм болохоор бид тэдэнд ингэтлээ их татагддаг байх

Тэд яг л амьд байгаль шиг ............Гэрэлтдэг байх